განა - ურუგვაი

H ჯგუფის დასკვნით მატჩში ერთმანეთს განისა და ურუგვაის ნაკრებები დაუპირისპირდება.

ჯგუფიდან უკვე გავიდა პორტუგალიის ნაკრები, რაც იმას ნიშნავს, რომ მხოლოდ ერთი ადგილი რჩება მეორე მერვედფინალისტის გასარკვევად. განა, ურუგვაი და სამხრეთ კორეა ჯერ ჯერობით ყველა ინარჩუნებს გასვლის შანსს, თუმცა ყველაზე კარგი შანსი განას აქვს.

ურუგვაი შემდეგ ეტაპზე გასვლას მხოლოდ და მხოლოდ მოგების შემთხვევაში მოახერხებს. აქაც ნაწილობრივ დამოკიდებული იქნება პორტუგალიაზე, რადგან თუ ურუგვაი მოიგებს და პორტუგალია დამარცხდება სამხრეთ კორეასთან, ამ შემთხვევაში ბურთების სხვაობას მიენიჭება უპირატესობა. შესაბამისად ურუგვაი მოედანზე მოსაგებად გამოვა და ეცდება ის შეტევითი პოტენციალი რაც პირველ ორ მატჩში ვერ გამოავლინა, სწორედ ამ თამაშში გამოავლინოს.

განის ნაკრებმა შესანიშნავი შთაბეჭდილება დატოვა ჩატარებულ პირველ ორ მატჩში. პორტუგალიასთან პირველი მატჩი 3-2 დათმო, თუმცა იმ მატჩში ჰქონდა შანსები რომ ფრე ეთამაშა, შემდეგ კი ანალოგიური ანგარიშით მოუგო სამხრეთ კორეას. გუნდს არც შეტევაში უჭირს გოლების გატანა და არც მოწინააღმდეგეებს ტოვებს გულნატკენს კარის მშრალად შენახვით.

ვფიქრობ, რომ ურუგვაის შეტევებს განა არაერთხელ უპასუხებს და მატჩი ორმხრივი შეტევებით წარიმართება. ასეთ თამაშში მოსალოდნელია ბევრი ჯარიმა, ურუგვაის ბარათები რადგან მათ მოუწევთ განის კონტრშეტევების შეჩერება, ბევრი აუტი და სავარაუდოთ ბევრი დარტყმაც.

მიუხედავად იმისა, რომ ურუგვაი აშკარა ფავორიტად ყავთ ბუკმეიკერებს გამოყვანილი, ვფიქრობ, რომ გუნდი მარტივად ამ თამაშს ვერ მოიგებს. ამ ყველაფერს 2010 წლის სკანდალური ურთიერთშეხვედრაც რომ დავამატოთ (ლუის სუარესის ხელით გამოტანილი ბურთი), მგონია რომ განელებს რევანში აქვთ ასაღები.

ჩემს არჩევანს კი ორივე გუნდის გატანაზე შევაჩერებ. როგორც უკვე აღვნიშნე, განის ნაკრებს 5 გოლი აქვს გატანილი ორ შეხვედრაში, მათ შორის 2 პორტუგალიასთან და ამავე ოდენობის გოლი აქვს მიღებული საკუთარ კარში. მიუხედავად იმისა, რომ ურუგვაის ჯერ ჯერობით გოლი არ გაუტანია მიმდინარე მსოფლიო ჩემპიონატზე, ვფიქრობ, რომ სამხრეთ ამერიკელები მუნდიალს უგოლოდ არ დატოვებენ (თუ გავარდნენ), შესაბამისად მგონია, რომ ორივე გუნდი მოახერხებს გოლის გატანას. ორივეს გატანას საკმაოდ კარგი კოეფიციენტი 1.9 აქვს, რაც გაწეულ რისკად ნამდვილად ღირს.

ჩემი პროგნოზი: ორივე გაიტანს